ہیبت اللہ نے نجی دینی مدارس پر پابندی لگادی، سرکاری تحویل میں لینے کا حکم

افغان طالبان کے سربراہ ملا ہیبت اللہ افغانستان میں نجی سطح پرمدارس قائم کرنے پر پابندی عائد کرتے ہوئے ، تمام مدارس وزارت تعلیم کے کنٹرول میں لینے کا حکم جاری کردیا ہے ۔ 29 اپریل کو قندھار میں وزارت خزانہ کےا فسروں سے خطاب کرتے ہوئے انہوں نے کہا کہ طالبان ذمہ داران سمیت کوئی بھی شخص نجی سطح پر مدارس قائم نہ کرے، اس سے قبل جو مدارس قائم کئے جا چکے ہیں، وہ سب وزارتِ تعلیم کے حوالے کیے جائیں۔

انہوں نے کہا کہ نجی مدارس سے کرپشن کے امکانات جنم لیتے ہیں، ان کی اجازت نہیں دی جا سکتی۔ انہوں نے یہ بھی کہا کہ دینی علماء کو تمام “فنی اور غیر فنی” اجلاسوں میں شریک ہونا چاہیے، کیونکہ ان کے بقول “تمام امور میں دین کی ضرورت ہے”۔