حکومتِ سندھ کے زیرِ اہتمام کراچی میں بلوچ کلچر ڈے کے حوالے سے ایک پروقار اور شاندار تقریب کا انعقاد کیا گیا، جس میں شہریوں اور مختلف شعبہ ہائے زندگی سے تعلق رکھنے والی شخصیات نے بڑی تعداد میں شرکت کی۔
تقریب کے دوران شرکا اور سوشل میڈیا صارفین کی جانب سے بلوچستان کی رنگا رنگ ثقافت، روایتی لذیذ کھانوں اور دل کو چھو لینے والی موسیقی کو بے حد سراہا گیا۔ صارفین نے اپنے تاثرات میں بلوچستان کو پاکستان کا حسن قرار دیتے ہوئے وہاں کے پُرامن اور مہمان نواز عوام سے گہری محبت کا اظہار کیا۔
سرکاری سطح پر منعقدہ اس تقریب کا بنیادی مقصد صوبے میں بسنے والے بلوچ بھائیوں کی خدمات کو اجاگر کرنا اور بین الصوبائی ہم آہنگی کو فروغ دینا تھا۔ تقریب میں روایتی بلوچی رقص اور موسیقی کے رنگ بھی بکھیرے گئے جنہیں حاضرین نے بے حد پسند کیا۔
دیکھیے: بلوچستان میں آپریشن شعبان کے تحت اب تک 121 دہشت گرد ہلاک