کوئٹہ: بلوچستان میں امن و امان کی بحالی کے لیے پاک فوج، ایف سی اور پولیس کا مشترکہ آپریشن شعبان کامیابی سے جاری ہے۔
سکیورٹی ذرائع کے مطابق فورسز کی حالیہ کارروائیوں کے دوران مزید 4 دہشت گردوں کی ہلاکت کی مصدقہ اطلاعات موصول ہوئی ہیں، جس کے بعد اس مخصوص کارروائی میں ہلاک شرپسندوں کی مجموعی تعداد 83 ہو گئی ہے۔
ذرائع کے مطابق سکیورٹی فورسز کی ایک اور تازہ ترین کارروائی میں مزید 5 خوارج بھی ہلاک کر دیے گئے ہیں۔ اطلاعات کے مطابق رواں ماہ 5 جولائی سے جاری اس انسدادِ دہشت گردی آپریشن میں اب تک مجموعی طور پر 121 خارجی دہشت گرد قانون نافذ کرنے والے اداروں کے ہاتھوں انجام کو پہنچ چکے ہیں۔
سکیورٹی فورسز نے عزم کا اظہار کیا ہے کہ بلوچستان کی دھرتی سے آخری دہشت گرد کے مکمل خاتمے تک آپریشن شعبان بلا تعطل جاری رہے گا۔
