وزیرستان: وانا کی تحصیل کاری کوٹ میں سکیورٹی فورسز نے افغان خوارج کے خودکش حملے کی کوشش کو ناکام بنا دیا۔
ذرائع کے مطابق دہشت گردوں نے بارودی مواد سے بھری خودکش گاڑی کے ذریعے سکیورٹی فورسز کی ایک چوکی کو نشانہ بنانے کی کوشش کی۔
سکیورٹی فورسز نے بروقت کارروائی کرتے ہوئے خودکش حملہ آور کی گاڑی کو ہدف تک پہنچنے سے قبل ہی تباہ کر دیا، جس کے نتیجے میں حملہ ناکام بنا دیا گیا۔ حکام کے مطابق حملے کے دوران سکیورٹی فورسز کا کوئی اہلکار زخمی نہیں ہوا۔
بعد ازاں دہشت گردوں کے ساتھ ہونے والی فائرنگ کے تبادلے میں خودکش حملہ آور سمیت چار خوارج ہلاک ہو گئے۔ علاقے میں سکیورٹی فورسز کی جانب سے مزید کارروائیاں جاری ہیں تاکہ خطے کو دہشت گردوں سے مکمل طور پر پاک کیا جا سکے۔
دیکھیے: بلوچستان میں آپریشن شعبان کے تحت اب تک 126 دہشتگرد ہلاک