بلوچستان میں سکیورٹی فورسز نے آپریشن ردالفتنہ 3 کے تحت مختلف علاقوں میں انٹیلی جنس بیسڈ آپریشنز کرتے ہوئے مزید 22 دہشت گردوں کو ہلاک کر دیا ہے۔
آئی ایس پی آر کے مطابق فورسز نے قلات کے علاقے رودینجو کراس میں گاڑی میں سوار 5 دہشت گردوں کو نشانہ بنایا۔ اسی طرح خضدار کے علاقے کنارو میں 4 دہشت گرد ہلاک کیے گئے، جبکہ سوراب میں ہدف پر مبنی کارروائی کے دوران سب سے بڑی تعداد میں 13 دہشت گردوں کا صفایا کیا گیا۔
سوراب میں کارروائی
آئی ایس پی آر کے مطابق سوراب میں کی جانے والی کارروائی مسلسل نگرانی اور مصدقہ اطلاعات کی بنیاد پر کی گئی، جس میں دہشت گردوں کے ایک بڑے ٹھکانے کو نشانہ بنایا گیا۔ اس کارروائی کو حالیہ عرصے میں ضلع سوراب میں کی جانے والی سب سے بڑی کامیاب کارروائیوں میں شمار کیا جا رہا ہے۔
سکیورٹی فورسز نے اعادہ کیا ہے کہ صوبے سے فتنہ الخوارج اور فتنہ ہندوستان کے مکمل خاتمے تک آپریشن بلا تعطل جاری رہے گا۔ حکام کا کہنا ہے کہ انٹیلی جنس بیسڈ کارروائیاں دہشت گردوں کے خلاف تسلسل سے کی جا رہی ہیں تاکہ بلوچستان میں امن و امان کو مکمل طور پر بحال کیا جا سکے۔
دیکھیے: پنجگور میں سکیورٹی فورسز کی بڑی کارروائی، اہم کمانڈر سمیت 5 خوارج ہلاک