سوشل میڈیا پر خیبر پختونخوا میں یومِ آزادی کی ریلی کے دوران کالعدم ٹی ٹی پی اور دہشت گردوں کے حق میں نعرے بازی سے متعلق وائرل ہونے والی ویڈیو مکمل طور پر جعلی اور سستی آڈیو ڈبنگ پر مبنی پروپیگنڈا نکلی ہے۔
فیکٹ چیک اور تکنیکی جائزے کے مطابق، قومی دن کے موقع پر عوام کے پُرجوش اور محبِ وطن ہجوم کی اصل ویڈیو پر بعد میں مصنوعی طور پر متنازع نعروں کی آڈیو ڈب کر کے پھیلایا گیا ہے۔ اس کارروائی کا مقصد خیبر پختونخوا کے غیور اور محبِ وطن عوام کو بدنام کرنا تھا۔
ریاست مخالف سوشل میڈیا اکاؤنٹس کی جانب سے اس طرح کے فیک اور ایڈیٹڈ کلپس کا استعمال عوام اور اداروں کے درمیان بداعتمادی پیدا کرنے اور امن و امان کے حوالے سے بے بنیاد خوف پھیلانے کی ناکام کوشش ہے، جسے عوام نے یکسر مسترد کر دیا ہے۔
دیکھیے: چودہ سالہ جاسوس کی کہانی: بھارتی میڈیا کا بالی ووڈ طرز پراپیگنڈا بے نقاب