بلوچستان کے ضلع خاران میں سکیورٹی فورسز نے فتنہ الہندوستان سے منسلک دہشتگردوں کی جانب سے ناکہ بندی کی کوشش ناکام بنا دی، جبکہ دہشتگردوں کے فرار کے راستے محدود کر دیے گئے ہیں۔
سکیورٹی ذرائع کے مطابق آپریشن ردالفتنہ 3 کے تحت خاران کے مختلف علاقوں میں سکیورٹی فورسز کے دستے تعینات ہیں اور دہشتگردوں کے خلاف سرچ اینڈ کلیئرنس آپریشن جاری ہے۔
اطلاعات کے مطابق دہشتگردوں نے علاقے میں ناکہ بندی کی کوشش کی، تاہم سکیورٹی فورسز نے بروقت کارروائی کرتے ہوئے ان کی کوشش ناکام بنا دی۔ کارروائی کے دوران دہشتگردوں کے ممکنہ فرار کے راستوں کو محدود کر دیا گیا ہے۔
سکیورٹی فورسز کی جانب سے علاقے میں مشتبہ ٹھکانوں اور دیگر مقامات کی تلاشی لی جا رہی ہے، جبکہ آپریشن کا مقصد دہشتگردوں کے نیٹ ورک کا سراغ لگا کر علاقے کو محفوظ بنانا ہے۔
سکیورٹی ذرائع کے مطابق بلوچستان میں فتنہ الہندوستان سے منسلک دہشتگرد عناصر کے خلاف کارروائیاں جاری رہیں گی اور صوبے سے دہشتگردی کے خاتمے کے لیے سکیورٹی فورسز پرعزم ہیں۔
دیکھیے: ریاستِ پاکستان کے خلاف مسلح جدوجہد جہاد نہیں، بغاوت ہے: 1,800 علماء کا متفقہ فتویٰ
