سانحۂ پمز کی تحقیقاتی رپورٹ کے معاملے پر وزیرِ اعظم شہباز شریف نے اجلاس طلب کر لیا۔ وزیرِ اعظم کی زیرِ صدارت اجلاس آج شام 5 بجے لاہور میں ہوگا، جس میں وزیرِ صحت مصطفیٰ کمال اور دیگر متعلقہ افسران شرکت کریں گے۔ اجلاس میں اہم وفاقی وزراء اور متعلقہ حکام بھی شریک ہوں گے، جس میں واقعے کی تحقیقاتی رپورٹ پر بریفنگ دی جائے گی۔
انکوائری رپورٹ کا جائزہ
ذرائع کے مطابق اجلاس میں سابق سیکریٹری داخلہ شاہد خان کی سربراہی میں مرتب انکوائری رپورٹ کا تفصیلی جائزہ لیا جائے گا۔ وزیرِ اعظم انکوائری رپورٹ کی سفارشات کی روشنی میں اہم ہدایات جاری کریں گے۔
واضح رہے کہ سانحۂ پمز کی ابتدائی تحقیقاتی رپورٹ وزیرِ اعظم شہباز شریف کو پیش کی جا چکی ہے۔ ذرائع کے مطابق انکوائری کمیٹی کے سربراہ سابق سیکریٹری داخلہ شاہد خان نے رپورٹ جمع کروائی تھی۔
دیکھیے: سانحہ پمز پر قومی اسمبلی اور سینیٹ میں پارلیمانی کمیٹی بنانے کی قرارداد منظور