ایران نے اردن کے بعد اب امارات میں بھی امریکی فوجی اڈوں کو نشانہ بنانے کا دعویٰ کر دیا ہے۔ یہ کارروائی ایرانی جزیرہ لارک پر امریکی حملے کے جواب میں کی گئی۔
ایران کا کہنا ہے کہ یو اے ای کے المنہاد ایئر بیس پر موجود امریکی فوجی اہلکاروں اور ہیلی کاپٹروں کو ڈرونز سے نشانہ بنایا گیا۔
نیز یہ حملہ جزیرہ لارک پر پاسدارانِ انقلاب کے اہلکاروں اور ایرانی شہریوں کی شہادت کے ردعمل میں کیا گیا۔
اس سے قبل اردن میں موجود امریکی فوجی اڈوں پر بھی حملے کی تصدیق کی تھی۔ ایرانی وزارتِ خارجہ کے مطابق یہ بھی جزیرہ لارک پر امریکی حملے کا جواب تھا۔
اردن فوج نے کہا ہے کہ اس کی فضائی حدود میں داخل ہونے والے 8 میزائلوں کو مار گرایا گیا۔
دوسری جانب پاسدارانِ انقلاب نے آبنائے ہرمز پر فضائی دفاعی میزائلوں کے ذریعے امریکی ڈرون ایم کیو 9 مار گرانے کا دعویٰ بھی کیا ہے۔
ایرانی وزارتِ خارجہ نے خبردار کیا ہے کہ دشمن کی مزید کسی بھی فوجی جارحیت کا فیصلہ کن جواب دیا جائے گا۔
دیکھیے: مکہ دفاعی معاہدہ عملی مرحلے میں داخل، پہلا اجلاس آج استنبول میں ہوگا