نائب وزیراعظم اور وزیر خارجہ اسحاق ڈار سے بحرین کے وزیر خارجہ ڈاکٹر عبداللطیف بن راشد الزیانی نے اسلام آباد میں ملاقات کی۔
ملاقات کے دوران دونوں ممالک کے مابین تجارت، معاشی شراکت داری اور سرمایہ کاری بڑھانے پر تفصیلی اتفاق کیا گیا۔
ترجمان دفتر خارجہ کے مطابق دونوں وزرائے خارجہ نے باہمی تعلقات کے تمام پہلوؤں کا جامع جائزہ لیا۔ گفتگو میں تجارتی حجم میں اضافے اور سرمایہ کاری کے نئے مواقع تلاش کرنے پر خصوصی توجہ دی گئی۔
دونوں رہنماؤں نے اعلیٰ سطحی سفارتی رابطوں پر اطمینان کا اظہار کرتے ہوئے دوطرفہ تعاون جاری رکھنے کا اعادہ کیا۔
ملاقات میں کثیرالجہتی عالمی فورمز پر مشترکہ رابطوں کو مزید مؤثر بنانے پر بھی بات چیت ہوئی۔ دونوں وزرائے خارجہ نے علاقائی صورت حال اور بین الاقوامی امور کا تفصیلی جائزہ لیا۔
دونوں رہنماؤں نے اس بات پر اتفاق کیا کہ تنازعات کے حل کے لیے مذاکرات اور سفارت کاری ہی بہترین راستہ ہیں۔
دیکھیے: حوثیوں کا سعودی اہداف پر بڑا حملہ، ریاض سمیت مختلف علاقوں میں ہائی الرٹ