نیشنل ریزسٹنس فرنٹ آف افغانستان نے دعویٰ کیا ہے کہ اس کے اہلکاروں نے 7 دسمبر 2025 کی شب ہرات کے ضلع 14، علاقہ گنجِ شالبافان میں ایک کارروائی کے دوران طالبان کے ایک رکن کو ہلاک کر دیا ہے۔
این آر ایف کے مطابق، یہ آپریشن رات 10 بجے انجام پایا، اور ہدف دشمن کے انٹیلی جنس اہلکار تھے۔ اس کارروائی میں ایک طالبان رکن مارا گیا جبکہ ایک ہتھیار بھی ضبط کر لیا گیا۔ این آر ایف کے اراکین یا عام شہریوں کو کسی قسم کا نقصان نہیں پہنچا۔
اس واقعے سے ایک بار پھر واضح ہوتا ہے کہ افغانستان میں مسلح تنازعات اور عدم استحکام برقرار ہے، اور ملک کے مختلف علاقوں میں جنگ زدہ صورتحال عوام اور علاقائی سکیورٹی کے لیے خطرہ بنی ہوئی ہے۔
این آر ایف کا دعویٰ ہے کہ اس طرح کی کارروائیاں دہشت گرد عناصر کو ان کے ٹھکانوں اور انٹیلی جنس نیٹ ورکس سے علیحدہ کرنے کی کوشش ہیں، تاکہ شہریوں کی حفاظت اور علاقائی امن برقرار رکھا جائے۔
دیکھیں: اقوام متحدہ کی بریفنگ: افغانستان کی بگڑتی سکیورٹی اور علاقائی خطرات