آزاد کشمیر اسمبلی میں اسپیکر اور ڈپٹی اسپیکر کے انتخاب کا مرحلہ مکمل ہوگیا، جس میں دونوں عہدوں پر مسلم لیگ (ن) کے امیدوار واضح اکثریت سے کامیاب ہوگئے۔
اسپیکر کے انتخاب میں مسلم لیگ (ن) کے امیدوار چوہدری طارق فاروق نے 32 ووٹ حاصل کیے، جبکہ پاکستان پیپلز پارٹی کے امیدوار چوہدری قاسم مجید کو 14 ووٹ ملے۔ یوں چوہدری طارق فاروق نے 18 ووٹوں کی برتری سے اسپیکر کا منصب حاصل کرلیا۔
مسلم لیگ (ن) کامیاب
ڈپٹی اسپیکر کے انتخاب میں بھی مسلم لیگ (ن) کے امیدوار احمد رضا قادری نے 32 ووٹ حاصل کرکے کامیابی حاصل کی۔ ان کے مقابل پیپلز پارٹی کے امیدوار عامر غفار لون کو 14 ووٹ ملے۔ دونوں انتخابات میں مسلم لیگ (ن) کے امیدواروں نے یکساں ووٹ حاصل کرتے ہوئے پیپلز پارٹی کے امیدواروں کو شکست دی۔ نتائج کے بعد مسلم لیگ (ن) کے ارکان کی جانب سے نومنتخب اسپیکر اور ڈپٹی اسپیکر کو مبارکباد دی گئی۔
اسپیکر اور ڈپٹی اسپیکر کے انتخاب کی تکمیل کے بعد آزاد کشمیر اسمبلی میں دونوں اہم پارلیمانی عہدے مسلم لیگ (ن) کے پاس آگئے ہیں، جس سے ایوان میں پارٹی کی پارلیمانی پوزیشن مزید نمایاں ہوگئی ہے۔
دیکھیے: آزاد کشمیر اسمبلی میں نئے اسپیکر اور ڈپٹی اسپیکر کا انتخاب آج ہوگا
