پنجشیر، بدخشاں کے بعد اندراب فرنٹ کا قندھار میں کارروائیوں کا اعلان

اندراب ریزسٹنس فرنٹ نے افغانستان میں طالبان حکومت کے خلاف اپنی عسکری اور مزاحمتی کارروائیوں کو محدود علاقوں سے نکال کر ملک کے دیگر حصوں تک پھیلانے کا اعلان کیا ہے۔

تنظیم کی جانب سے جاری بیان کے مطابق مزاحمتی سرگرمیوں کو اب صرف شمالی اضلاع تک محدود نہیں رکھا جائے گا۔ گروپ نے پنجشیر، اندراب اور بدخشاں کے علاوہ کابل اور طالبان کے مرکز قندھار کو بھی ان علاقوں میں شامل کیا ہے جہاں طالبان مخالف کارروائیاں کی جائیں گی۔ اس اقدام کا مقصد ملک گیر سطح پر ایک وسیع تر مزاحمتی تاثر قائم کرنا ہے۔

اندراب ریزسٹنس فرنٹ کا یہ مؤقف طالبان حکومت کے ان تمام دعوؤں کو براہِ راست چیلنج کرتا ہے جن میں ملک بھر میں مکمل کنٹرول اور امن و امان کا دعویٰ کیا جاتا ہے۔ تنظیم کا ماننا ہے کہ مختلف علاقوں میں جاری کارروائیاں اس بات کا ثبوت ہیں کہ زبردستی اور طاقت کے بل بوتے پر قائم کردہ کنٹرول سے عوامی اختلاف اور مزاحمت کو ختم نہیں کیا جا سکتا۔

دیکھیے: بدخشاں میں طالبان مخالف مزاحمت شدت اختیار کرگئی، تیسرے روز بھی حملے