بلوچستان سے اندرونِ صوبہ اور ملک بھر کے لیے گزشتہ روز معطل کی گئی ٹرین سروس ایک روز بعد بحال کر دی گئی ہے۔ ریلوے حکام کے مطابق 25 دسمبر کو جعفر ایکسپریس، بولان میل اور چمن پسنجر کی سروس مختلف وجوہات کی بنا پر معطل کی گئی تھی، تاہم آج یہ ٹرینیں اپنے مقررہ وقت کے مطابق روانہ ہو گئی ہیں۔
جعفر ایکسپریس کوئٹہ سے پشاور کے لیے روانہ ہو گئی ہے، جبکہ چمن پسنجر کوئٹہ سے چمن کے لیے روانہ ہو چکی ہے۔ بولان میل 28 دسمبر کو کوئٹہ سے روانہ ہوگی۔
ریلوے حکام نے مسافروں کو ہدایت کی ہے کہ وہ ٹرینوں کے شیڈول کے مطابق اپنی سفر کی منصوبہ بندی کریں اور کسی بھی اپ ڈیٹ کے لیے متعلقہ ریلوے اسٹیشن سے رابطہ کریں۔ مذکورہ اقدام مسافروں کے لیے آسانی اور ملک بھر میں ٹرانسپورٹ کے تسلسل کو یقینی بنانے کے لیے اٹھایا گیا ہے۔
دیکھیں: افغانستان سے لیبیا تک: پاکستان کی علاقائی حکمتِ عملی