خیبر پختونخوا کے ضلع بنوں کے علاقے ڈومیل میں پولیس اور سی ٹی ڈی کی مشترکہ کارروائی کے دوران فائرنگ کے تبادلے میں 2 دہشتگرد ہلاک ہونے کی اطلاعات سامنے آئی ہیں۔
اطلاعات کے مطابق یہ کارروائی اکبر علی خان کلے کے علاقے میں کی گئی، جہاں پولیس اور سی ٹی ڈی کی مشترکہ ٹیموں کا دہشتگردوں سے مقابلہ ہوا۔
فائرنگ کے تبادلے میں 2 دہشتگرد ہلاک ہوئے، تاہم ان کے ساتھی موقع سے ایک ہلاک شدہ ساتھی کی لاش لے کر فرار ہونے میں کامیاب ہو گئے، جبکہ دوسرے دہشتگرد کی لاش پولیس کے قبضے میں ہے۔
کارروائی کے دوران موقع سے ایک سنائپر رائفل اور ایک ایم4 رائفل بھی برآمد کی گئی۔ علاقے میں مزید دہشتگردوں کی موجودگی کے پیشِ نظر سرچ اینڈ کلیئرنس آپریشن تاحال جاری ہے۔
دیکھیے: بلوچستان: آپریشن ردالفتنہ 3 کے تحت مزید 22 دہشت گرد ہلاک