بنوں میں سکیورٹی اداروں کے مشترکہ آپریشن کے دوران کالعدم تحریکِ طالبان پاکستان کا اہم کمانڈر زیوران المعروف بدری چار ساتھیوں سمیت ہلاک ہو گیا۔ سکیورٹی ذرائع کے مطابق مذکورہ کاروائی خفیہ معلومات کی بنیاد پر کی گئی۔
رپورٹ کے مطابق ہلاک ہونے والا کمانڈر ضلع کرک کا رہائشی تھا اور 2023 سے پولیس و فوجی تنصیبات پر حملوں سمیت کم از کم چار بڑے واقعات میں مطلوب تھا، جن میں سکیورٹی اہلکاروں کو نشانہ بنایا گیا۔ اس کاروائی کے بعد علاقہ بھر میں سرچ آپریشنز بھی کیے گئے۔
وزیر اعظم شہباز شریف نے بھی کامیاب کاروائی پر سکیورٹی اداروں کو مبارکباد دی اور کہا کہ حکومت ملک سے دہشت گردی کے مکمل خاتمے کے لیے پُرعزم ہے۔ نیز پولیس اور سکیورٹی فورسز نے بروقت مشترکہ کارروائی کے ذریعے دہشت گردوں کے عزائم ناکام بنا دیے۔
سکیورٹی فورسز کے کامیاب آپریشن میں ہلاک ہونے ٹی ٹی پی کا اہم کمانڈر زیوران المعروف بدری
ڈی آئی جی بنوں ریجن سجاد خان نے اس کاروائی کی تصدیق کرتے ہوئے بتایا کہ مشترکہ آپریشن میں پانچ دہشت گرد ہلاک اور کئی زخمی ہوئے۔ وزیر داخلہ محسن نقوی نے فتنۃ الخوارج کے دہشت گردوں کے خلاف اس کامیاب کاروائی پر پولیس اور سکیورٹی فورسز کو خراجِ تحسین پیش کیا اور کہا کہ قوم کی حمایت سے دہشت گردوں کا مکمل صفایا کیا جا رہا ہے اور انہیں کہیں پناہ نہیں دی جائے گی۔
دیکھیے: بنوں میں سکیورٹی فورسز کا کامیاب آپریشن؛ 7 خوارج ہلاک کر دیے گئے