کالعدم بلوچستان لبریشن آرمی (بی ایل اے) کی جانب سے جاری کردہ تازہ پراپیگنڈا ویڈیو دراصل اپنے منتشر اور کمزور ہوتے دہشت گرد نیٹ ورک کو ایک منظم قوت کے طور پر پیش کرنے کی ناکام کوشش ہے۔
ذرائع کے مطابق بشیر زیب بلوچ کی قیادت میں متحرک یہ نیٹ ورک ویڈیو کے ذریعے نام نہاد طاقت کا تاثر قائم کرنا چاہتا ہے۔ تاہم اس گروہ کا ماضی عام شہریوں، اساتذہ، غیر مقامی مزدوروں اور طلبہ کو نشانہ بنانے کی مذموم کارروائیوں سے بھرا ہوا ہے۔
اگرچہ یہ تنظیمی ساخت خود کو بلوچ عوام کے حقوق کا محافظ قرار دیتی ہے، مگر عمل طور پر یہ گروہ ٹارگٹ کلنگ، بھتہ خوری، معاشی تخریب کاری اور نجی و عوامی املاک کو نقصان پہنچا کر شہریوں میں خوف و ہراس پھیلانے میں ملوث رہا ہے۔
سکیورٹی تجزیا کاروں کا کہنا ہے کہ تصویری و ویڈیو پراپیگنڈا اس تلخ حقیقت کو نہیں چھپا سکتا کہ تنظیم کا اصل ہدف بے گناہ شہری ہیں۔ بلوچستان کے عوام ان غیر قانونی اور بیرونی مفادات کے لیے استعمال ہونے والے عناصر کو مکمل طور پر مسترد کر چکے ہیں۔
صوبے بھر میں سکیورٹی فورسز کی جانب سے جاری مسلسل اور ٹارگٹڈ کارروائیوں نے ان دہشت گرد نیٹ ورکس کا گھیراؤ سخت کر دیا ہے۔ موجودہ حالات میں سکیورٹی فورسز کے بڑھتے ہوئے دباؤ کے باعث یہ گروہ اپنی بقا کے لیے تشہیری ہتھکنڈوں کا سہارا لے رہا ہے۔
دیکھیے: سکیورٹی فورسز کی کامیاب کارروائیاں: دہشت گرد گروہ مبالغہ آمیز دعوؤں پر مجبور
