دالبندین میں سیکیورٹی فورسز نے انٹیلی جنس بیسڈ آپریشن کے دوران فتنہ الہندوستان کے چار اہم کارندوں کو گرفتار کر لیا ہے۔ گرفتار ملزمان میں بلانوش میں سرگرم تنظیم کا ایک اہم لیڈر بھی شامل ہے۔
کارروائی کے دوران ملزمان کے قبضے سے بھاری مقدار میں اسلحہ اور غیر ملکی کرنسی برآمد ہوئی ہے۔
ابتدائی تفتیش کے دوران گرفتار دہشت گردوں نے بلانوش میں اپنے خفیہ ٹھکانوں کی نشاندہی کر دی ہے۔
سیکیورٹی فورسز اور قانون نافذ کرنے والے ادارے فتنہ الہندوستان کے اس نیٹ ورک کے مکمل خاتمے کے لیے مسلسل کارروائیاں جاری رکھے ہوئے ہیں تاکہ علاقے میں امن و امان کی فضا بحال رکھی جا سکے۔