عالمی ماہرین کے مطابق مناسب انکشافات کے بغیر امریکی قانون سازوں پر اثرانداز ہونے کی یہ کوشش غیر ملکی اثر اندازی کے مترادف ہے اور یہ جمہوریت کے بنیادی اصولوں کے خلاف ہے۔
امریکی قوانین کے تحت، کسی بھی غیر ملکی تنظیم کی جانب سے کی جانے والی لابنگ سرگرمیوں کا مکمل اعلان اور رجسٹریشن لازمی ہے۔ ماہرین کا کہنا ہے کہ اس معاہدے کو چھپانا نہ صرف شفافیت کے اصولوں کی خلاف ورزی ہے بلکہ اسے امریکہ میں غیر قانونی مداخلت بھی قرار دیا جا سکتا ہے۔
خیال رہے کہ اس لابنگ کا بنیادی مقصد امریکی کانگریس میں بھارت کے حوالے سے فیصلہ سازی کو اپنے مخصوص سیاسی اور سماجی ایجنڈے کے مطابق ڈھالنا بتایا جا رہا ہے۔
ماہرین اس بات پر زور دے رہے ہیں کہ ایسے اقدامات جمہوری ممالک کے درمیان باہمی اعتماد کو مجروح کرتے ہیں اور ان پر فوری توجہ دے کر روک تھام کے اقدامات کرنا وقت کی اہم ضرورت ہے۔