کالعدم جوائنٹ عوامی ایکشن کمیٹی کے مسلح شرپسندوں نے آزاد کشمیر کے سابق وزیر اعظم سردار تنویر الیاس پر قاتلانہ حملہ کر دیا، جس کے نتیجے میں ان کا سکیورٹی گارڈ شہید اور دو ساتھی شدید زخمی ہو گئے۔ سابق وزیر اعظم حملے میں بال بال بچ گئے۔
فائرنگ کے واقعے میں سابق معاونِ خصوصی سردار امتیاز شاہین کے زخمی ہونے کی اطلاعات ہیں۔ فائرنگ کے سبب قافلے میں شامل کئی گاڑیوں کے شیشے بھی ٹوٹ گئے۔
اطلاعات کے مطابق سردار تنویر الیاس اپنے قافلے کے ہمراہ دو روزہ دورے پر راولاکوٹ جا رہے تھے۔ فائرنگ سے جاں بحق ہونے والے سکیورٹی گارڈ سردار آصف یوسف کا تعلق کوٹیڑہ گوراہ پلندری سے تھا۔
سردار آصف یوسف کچھ عرصہ قبل ہی وزیراعظم پاکستان کی سکیورٹی ڈیوٹی سے ریٹائرڈ ہوئے تھے۔
وہ حال ہی میں سردار تنویر الیاس کی پرسنل سکیورٹی پر مامور کیے گئے تھے۔ سردار آصف یوسف سر پر گولی لگنے سے موقع پر ہی جاں بحق ہو گئے۔
دیکھیے: راولاکوٹ: کالعدم ایکشن کمیٹی کے حملے میں رینجرز اہلکار شہید