آزاد کشمیر کے شہریوں کے لیے صحت کارڈ کی سہولت ایک نئے مالیاتی فارمولے کے تحت بحال کی جا رہی ہے، جس کے تحت وفاقی حکومت اور آزاد کشمیر انتظامیہ کے درمیان طے پانے والے نئے انتظامات کے مطابق صحت کارڈ کے لیے الگ سے فنڈز مختص کر دیے گئے ہیں۔ وفاقی کابینہ نے صحت سہولت پروگرام کے لیے فنڈز جاری کرنے کی منظوری دے دی ہے، جس کے بعد آزاد کشمیر حکومت نے بھی اس سکیم کے لیے اپنے بجٹ میں رقم رکھی ہے۔
نئے نظام کے تحت دو طرح کی سہولیات دی جائیں گی: بینظیر انکم سپورٹ پروگرام (بی آئی ایس پی) میں رجسٹرڈ غریب خاندانوں کا مفت علاج جاری رہے گا، جبکہ عام شہریوں کے لیے صحت کارڈ کو ‘کوپیمنٹ’ ماڈل پر منتقل کیا جا رہا ہے، جہاں مریضوں کو علاج کے ایک حصے کی ادائیگی خود کرنی ہوگی۔ ذرائع کے مطابق 16 جنوری 2026 سے مختلف مراحل میں پینل اسپتالوں میں یہ سہولت دوبارہ فعال کر دی جائے گی، جس سے خطے کے شہریوں کو صحت کی بنیادی سہولت کی فراہمی کو یقینی بنایا جائے گا۔
دیکھیں: عمران احمد صدیقی کابل میں پاکستان کے نئے سفیر تعینات؛ عبید نظامی جرمنی میں پاکستان کے سفیر ہوں گے
