ایران کے صدر مسعود پزشکیان نے واضح کیا ہے کہ پڑوسی ممالک کے حوالے سے عدم جارحیت کی پالیسی کی منظوری دے دی ہے۔ صدر کے مطابق ایران اس وقت تک کسی ہمسایہ ملک پر حملہ نہیں کرے گا جب تک اسے خود جارحیت کا نشانہ نہ بنایا جائے۔
عدم جارحیت کی پالیسی
صدر کے مطابق اس فیصلے کے تحت ایران کسی بھی ہمسایہ ملک کے خلاف فوجی اقدام نہ کرنے کا پابند ہوگا، تاہم یہ پالیسی اس وقت تک برقرار رہے گی جب تک کسی دوسرے ملک کی جانب سے ایران کی سالمیت کے خلاف کوئی جارحانہ کارروائی نہیں کی جاتی۔
صدر مسعود پزشکیان نے مزید کہا کہ عبوری قیادت کونسل کا یہ اقدام خطے میں امن و استحکام کے فروغ اور کشیدگی میں کمی لانے کی کوششوں کا حصہ ہے۔ انہوں نے واضح کیا کہ ایران اپنی سرحدوں کے دفاع کا حق محفوظ رکھتا ہے، لیکن وہ اپنی جانب سے پہل کرتے ہوئے کسی بھی ہمسایہ ریاست پر حملے کا ارادہ نہیں رکھتا۔ اس فیصلے کو علاقائی سفارت کاری میں ایک اہم پیش رفت قرار دیا جا رہا ہے، جس سے پڑوسی ممالک کے ساتھ اعتماد سازی کے عمل میں بہتری آنے کی توقع ہے۔