پاکستان کے نائب وزیراعظم اور وزیرِ خارجہ سینیٹر محمد اسحاق ڈار نے ازبکستان کے وزیرِ خارجہ بختیار سیدوف سے ٹیلیفون پر رابطہ کیا ہے۔ گفتگو کے دوران دونوں رہنماؤں نے پاک ازبک تعلقات اور خطے میں ہونے والی حالیہ پیش رفت سمیت باہمی دلچسپی کے دوطرفہ اور کثیر الجہتی امور پر تفصیلی تبادلہ خیال کیا۔
ترجمان دفترِ خارجہ کے مطابق، گفتگو کے دوران ازبکستان کے وزیرِ خارجہ بختیار سیدوف نے علاقائی امن و سیکیورٹی کے فروغ اور ثالثی کے حوالے سے پاکستان کے مثبت اور تعمیری کردار کو خصوصی طور پر سراہا۔
دونوں رہنماؤں نے مستقبل میں بھی دوطرفہ تعاون کو مزید مستحکم کرنے پر اتفاق کیا اور اس عزم کا اعادہ کیا کہ اہم علاقائی و عالمی امور پر دونوں ممالک کے مابین قریبی روابط کا سلسلہ برقرار رکھا جائے گا۔