نئی دہلی: بھارت میں ایک میوزک ایونٹ کے دوران ہالی ووڈ کے معروف اداکار کیانو ریوز کے ساتھ پیش آنے والا عجیب واقعہ ایک بار پھر زیرِ بحث آ گیا ہے، جس نے ملک میں شہری سہولیات اور انتظامی منصوبہ بندی پر سوالات کھڑے کر دیے ہیں۔
میڈیا رپورٹس کے مطابق کیانو ریوز اپنی بینڈ Dogstar کے ساتھ بھارت میں ایک میوزک ایونٹ میں پرفارم کرنے آئے تھے۔ تاہم ایونٹ کے مقام کے قریب مناسب واش روم یا آرام گاہ نہ ہونے کے باعث انہیں بیک اسٹیج ایک بوتل استعمال کرنا پڑی۔
رپورٹس کے مطابق پرفارمنس کے بعد وہ بوتل اچانک غائب ہو گئی۔ بعد میں معلوم ہوا کہ ایک مداح اسے بطور یادگار اپنے ساتھ لے گیا تھا۔
مبصرین کے مطابق یہ واقعہ نہ صرف ایک عجیب مداحانہ رویّے کو ظاہر کرتا ہے بلکہ اس نے بھارت میں عوامی تقریبات کے دوران بنیادی شہری سہولیات، صفائی اور انتظامی منصوبہ بندی کی کمزوریوں کو بھی اجاگر کیا ہے۔
دیکھئیے:شوبز انڈسٹری کے اندرونی مسائل پر اداکارہ صحیفہ جبار کا اہم انکشاف