پشاور: پی ڈی ایم اے کی رپورٹ کے مطابق خیبر پختونخوا میں پندرہ اگست سے لیکر اب تک ہونے والی طوفانی بارشوں اور سیلاب کی وجہ سے 406 افراد جاں بحق جبکہ 247 افراد زخمی ہوئے۔ جاں بحق پونے والے افراد میں 305 مرد، 55 خواتین اور 46 بچے شامل جبکہ زخمیوں میں 179 مرد، 38 خواتین اور 30 بچے شامل ہیں
رپورٹ کے مطابق گزشتہ رات ڈی آئی خان میں گھروں کی چھتیں گرنے سے 8 افراد جاں بحق اور 48 زخمی ہوئے۔
پی ڈی ایم اے کے مطابق حالیہ بارشوں اور فلش فلڈ کے باعث جبکہ مالی نقصان بھی کافی ہوا ہے جن میں 3526 گھروں کو شدید متاثر ہوئے۔ جن میں سے 577 گھر مکمل منہدم ہوگئے۔
خیبر پختونخوا کے تمام اضلاع میں سے سب سے زیادہ متاثر ضلع بونیر ہوا۔ جہاں مجموعی طور پر جاں بحق ہونے والے افراد کی تعداد 337 ہے۔
یہ حادثات ضلع بونیر کے علاوہ مختلف اضلاع سوات، مانسہرہ، باجوڑ، شانگلہ اور صوابی میں پیش آئے۔
پی ڈی ایم اے نے انتظامیہ کو امدادی سرگرمیاں تیز کرنے اور متاثرین کو فوری معاونت کرنے کی ہدایت جاری کردی ہے۔
ترجمان کے مطابق پی ڈ ی ایم اے کا ایمرجنسی آپریشن سنٹر مکمل طور پر فعال ہے۔ کسی بھی نا خوشگوار واقعے کی اطلاع اور معلومات کے لیے فری ہیلپ لائن 1700 پر رابطہ کریں۔
دیکھیں: کے پی کے میں حالیہ بارشوں کے باعث 358 افراد جاں بحق ہوئے؛ پی ڈی ایم اے