لاہور: دنیا کی معروف کرکٹ لیگز کی نئی عالمی رینکنگ جاری کر دی گئی، جس میں مہنگی ترین انڈین پریمیئر لیگ (آئی پی ایل) پہلے نمبر پر آنے میں ناکام رہی اور تیسرے نمبر پر رہی
گلوبل پلئیرز باڈی کے مطابق انڈین پریمئیر لیگ کو مہنگی لیگ ہونے کے باوجود بہترین بننے کے لیے مزید بہتری کی ضرورت ہے۔ آئی پی ایل کو پلئیرز رائٹس اور ویلفیئر میں بہتری لانے کی ضرورت ہے
ورلڈ کرکٹرز ایسوسی ایشن کی جاری کردہ فہرست کے مطابق انگلینڈ کی ’دی ہنڈرڈ‘ 75.2 پوائنٹس کے ساتھ پہلی جبکہ جنوبی افریقہ کی ایس اے ٹی ٹوئنٹی 68 پوائنٹس کے ساتھ دوسرے نمبر پر رہی۔ آئی پی ایل 62.6 پوائنٹس کے ساتھ تیسرے نمبر پر موجود ہے۔
رینکنگ میں آسٹریلیا کی بگ بیش لیگ (بی بی ایل) 62.5 پوائنٹس کے ساتھ چوتھے نمبر پر رہی، جبکہ پاکستان سپر لیگ (پی ایس ایل) 48 پوائنٹس کے ساتھ پانچویں نمبر پر شامل ہے۔
فہرست میں دیگر لیگز میں میجر لیگ کرکٹ چھٹے، آئی ایل ٹی ٹوئنٹی ساتویں، کیریبین پریمیئر لیگ آٹھویں، ابوظہبی ٹی 10 نویں اور بنگلہ دیش پریمیئر لیگ دسویں نمبر پر رہی۔