افغانستان کے صوبہ قندوز میں افان طالبان کی چیک پوسٹ پر ہوئے حملے میں دو طالبان جنگجو ہلاک اور دو زخمی ہو گئے ہیں۔ اطلاعات کے مطابق یہ حملہ مزاحمتی گروپ افغانستان فریڈم فرنٹ نے جمعہ 2 جنوری کی شام تقریباً سات بجے کیا۔ حملے کا نشانہ بندر امام صاحب روڈ پر واقع مفتی سراج مسجد کے قائم طالبان کی چیک پوسٹ بنا۔
مقامی ذرائع کے مطابق حملے کے دوران طالبان کی ایک فوجی گاڑی کو آگ لگا دی گئی جو مکمل طور پر نذر آتش ہو گئی۔ حملے کے بعد علاقے میں شدید کشیدگی پائی جا رہی ہے۔
افغانستان فریڈم فرنٹ نے حالیہ مہینوں میں طالبان کے زیر کنٹرول علاقوں میں متعدد مزاحمتی کارروائیوں کی ذمہ داری قبول کی ہے۔ یہ واقعہ صوبے میں جاری کشیدگی اور طالبان کے خلاف مزاحمتی سرگرمیوں میں اضافے کی نشاندہی کرتا ہے۔
واقعے کے بعد طالبان حکام کی جانب سے ابھی تک کوئی باضابطہ بیان جاری نہیں کیا گیا ہے۔ صورتحال پر قابو پانے کے لیے اضافی فوجی دستے تعینات کیے گئے ہیں اور تحقیقات جاری ہیں۔
دیکھیں: ایران میں قتل کی سازش، طالبان کی بیرونِ ملک خفیہ کارروائیاں بے نقاب