خیبر پختونخوا: لکی مروت میں تختی خیل قوم نے پاک فوج سے والہانہ محبت اور دہشت گردوں سے شدید نفرت کا اظہار کیا ہے۔ انہوں نے اعلان کیا کہ دھرتی کے دفاع کے لیے بری نیت سے قدم رکھنے والے دشمنوں کا ڈٹ کر مقابلہ کیا جائے گا۔
تختی خیل قبیلے کے غیور عوام کا کہنا ہے کہ دہشت گرد عناصر سے سخت نفرت کرتے ہیں اور انہیں علاقے میں بدامنی پھیلانے کی اجازت نہیں دیں گے۔ مقامی نوجوانوں نے عزم ظاہر کیا کہ وہ سکیورٹی اداروں کے ساتھ مل کر امن و سلامتی کے تحفظ کے لیے ہر قربانی دینے کو تیار ہیں۔
مقامی آبادی نے واضح کیا کہ لکی مروت کے عوام پاک فوج کی قربانیوں کو قدر کی نگاہ سے دیکھتے ہیں۔ انہوں نے خبردار کیا کہ آئندہ بھی بدامنی پھیلانے کی کسی بھی سازش کو پاک فوج اور عوام کے باہمی اتحاد سے ناکام بنایا جائے گا۔
تختی خیل قوم نے زور دیا کہ پائیدار امن کی بحالی کے لیے عوام اور سکیورٹی اداروں کے درمیان محبت اور تعاون کا یہ رشتہ ناگزیر ہے۔ نوجوانوں نے اعادہ کیا کہ وہ امن کی بحالی اور ملک کی سلامتی کے لیے ہمیشہ ہر اول دستے کا کردار ادا کرتے رہیں گے۔