اسرائیلی افواج نے لبنان میں ایران کی قدس فورس کے سینئر کمانڈر حسین محمود مرشاد الجوہری کو ہلاک کر دیا ہے۔ اسرائیلی فوج کے مطابق کمانڈر حسین محمود مرشاد الجوہری قدس فورس کی یونٹ 840 کے اہم رکن تھے اور اسلامی انقلابی گارڈ کور کے تحت سرگرم تھے۔
رائٹرز کی رپورٹ کے مطابق کمانڈر الجوہری لبنان کے شہر انصاریہ کے قریب مارے گئے، جہاں ان کی موجودگی اور سرگرمیوں کی باقاعدہ اسرائیلی انٹیلی جنس نے نگرانی کر رہی تھی۔
اسرائیلی فوج نے اس کارروائی کو قدس فورس کی سرگرمیوں اور ایران کے علاقائی اثر و رسوخ کے تناظر میں اہم پیش رفت قرار دیا ہے۔
ماہرین کے مطابق اس کارروائی سے مشرقِ وسطیٰ میں خطے کے سیاسی اور سیکیورٹی توازن پر اثرات مرتب ہو سکتے ہیں اور اسرائیل کی جانب سے ایران کے فوجی نیٹ ورک پر نگرانی اور کارروائیاں جاری رہنے کا امکان ہے۔
