زیارت بلوچستان سے 2 ماہ قبل اغوا ہونے والے اسسٹنٹ کمشنر محمد افضل اور ان کے بیٹے کو قتل کردیا گیا۔
اسسٹنٹ کمشنر زیارت محمد افضل اور ان کے بیٹے کو دوماہ قبل نامعلوم افراد نے زیزری زیارت سے اغوا کیا تھا۔
یاد رہے کہ چند روز قبل اغوا کاروں ان کی ویڈیو بھی جاری کی تھی جس میں اپنی رہاٗی اور اغوا کاروں کے مطالبات پورے کرنے اپیل کررہے تھے۔
وفاقی وزیرِ داخلہ محسن نقوی نے واقعے کی مذمت کرتے ہوئے انہیں خراج عقیدت پیش کیا۔ محسن نقوی نے اسسٹنٹ کمشنر محمد افضل کے خاندان سے تعزیت کا اظہار کرتے ہوئے کہا کہ شہید نے اپنے فرائض کی ادائیگی کے دوران شہادت کا رتبہ پایا۔
واضح رہے کہ صوبائی حکومت نے مغوی اسسٹنٹ کمشنر اور ان کے بیٹے کا سراغ لگانے پر 5 کروڑ روپے کے انعام کا اعلان بھی کیا تھا۔
لیکن آج افسوسناک خبر سننے کو ملی کہ اسسننٹ کمشنر کو انکے بیٹے سمیت شہید کردیا گیا۔
دیکھیں: بلوچستان کے علاقے مند میں بارودی سرنگ کا دھماکہ، پانچ اہلکار شہید