پی ٹی آئی رہنما مراد سعید کے حوالے سے اہم پیش رفت سامنے آئی ہے، جن کی کچھ روز قبل افغانستان میں موجودگی کا انکشاف ہوا تھا۔ تازہ ترین معلومات کے مطابق مراد سعید نے افغان صوبے پکتیکا سے اپنی جگہ تبدیل کر لی ہے اور وہ اب صوبہ نیمروز کی طرف منتقل ہو چکا ہے۔
ذرائع کے مطابق خطے میں ہر لمحہ اس کی نقل و حرکت پر کڑی نظر رکھے ہوئے ہیں۔ روپوش رہنما کی ہر ممکنہ پناہ گاہ اور نقل و حرکت کی سراغ رسانی کا عمل مسلسل جاری ہے۔
حکام کا کہنا ہے کہ مراد سعید کو جلد از جلد پاکستان واپس لایا جائے گا جہاں اسے عدالتوں میں زیر التوا سنگین مقدمات اور قانونی کارروائی کا سامنا کرنا پڑے گا۔ اس سلسلے میں تمام ضروری اقدامات اور حکمت عملی پر کام مکمل کیا جا رہا ہے۔
اس پیش رفت سے پی ٹی آئی کے بیرونِ ملک اور سرحد پار روابط اور سہولت کاری کا نیٹ ورک ایک بار پھر بے نقاب ہو گیا ہے۔ ذرائع کے مطابق 9 مئی کے پرتشدد واقعات کے ہینڈلرز اور منصوبہ سازوں کو ریاستِ پاکستان کے خلاف کیے گئے تمام گھناؤنے اقدامات کا مکمل حساب دینا ہوگا۔
