کوالالمپور: آٹھ سال کے طویل انتظار کے بعد پاکستان ہاکی ٹیم نے کوالیفائر میچ میں جاپان کو سنسنی خیز مقابلے کے بعد 3 کے مقابلے میں 4 گول سے شکست دے کر ہاکی ورلڈ کپ کے لیے کوالیفائی کر لیا۔
میچ کے دوران جاپان کو ابتدا میں برتری حاصل رہی اور اس نے پاکستان کے خلاف 1-3 کی سبقت حاصل کر لی، تاہم قومی ٹیم نے شاندار کم بیک کرتے ہوئے مسلسل گول اسکور کیے اور مقابلہ اپنے نام کر لیا۔ گرین شرٹس نے جارحانہ کھیل پیش کرتے ہوئے میچ کا پانسہ پلٹا اور بالآخر 3-4 سے فتح حاصل کر لی۔
اس کامیابی کے ساتھ پاکستان نے آٹھ سال کے وقفے کے بعد ایک مرتبہ پھر ہاکی ورلڈ کپ میں اپنی جگہ بنا لی ہے، جسے قومی ہاکی کے لیے ایک اہم سنگ میل قرار دیا جا رہا ہے۔
یاد رہے کہ پاکستان ہاکی ٹیم کا شمارتاریخ کی کامیاب ترین ٹیموں میں ہوتا ہے اور اس نے ماضی میں متعدد عالمی اعزازات اپنے نام کیے ہیں۔ کھیلوں کے ماہرین کے مطابق اس کامیابی سے قومی ہاکی کو دوبارہ عالمی سطح پر بحالی کا موقع مل سکتا ہے۔
دیکھئیے:ٹی20 ورلڈکپ کے سیمی فائنل میں بھارت اور انگلینڈ تیسری بار آمنے سامنے