پاکستان 2026-27 کیلئے شنگھائی تعاون تنظیم (ایس سی او) کے سربراہان مملکت کونسل کی صدارت سنبھالے گا۔
اس حوالے سے اعلامیے پر دستخط کی تقریب کرغزستان کے دارالحکومت بشکیک میں ہوئی۔ وزیراعظم شہباز شریف نے ایس سی او اجلاس کے اعلامیے پر دستخط کردیئے۔
اس سے قبل وزیراعظم شہباز شریف ایس سی او سربراہان مملکت کونسل کے اجلاس میں شرکت کیلئے مرکزی ہال پہنچے۔
اس موقع پر کرغزستان کے صدر نے وزیراعظم کا گرمجوشی سے استقبال کیا۔ دونوں رہنماؤں نے مصافحہ بھی کیا۔
اجلاس میں شریک رکن ممالک کے رہنماؤں نے گروپ فوٹو بھی بنوایا۔ وزیراعظم شہباز شریف بھی دیگر عالمی رہنماؤں کے ہمراہ موجود تھے۔
ایس سی او اجلاس کے موقع پر وزیراعظم شہباز شریف کی مختلف رہنماؤں سے ملاقاتیں بھی متوقع ہیں۔
دیکھیے: وزیراعظم شہباز شریف شنگھائی تعاون تنظیم کے سربراہی اجلاس کیلئے کرغزستان پہنچ گئے
