پاکستان نے امریکہ کی جانب سے شام پر عائد پابندیاں ختم کرنے کے فیصلے کا خیرمقدم کیا ہے۔
ترجمان دفتر خارجہ کے مطابق نائب وزیراعظم و وزیر خارجہ اسحاق ڈار نے کہا کہ یہ فیصلہ شامی معیشت کی بحالی اور ترقی میں مددگار ثابت ہوگا اور خطے میں امن و استحکام کے فروغ میں بھی معاون بنے گا۔
اسحاق ڈار نے کہا کہ پاکستان شام کی خودمختاری، اتحاد اور علاقائی سالمیت کی حمایت جاری رکھے گا اور دیرپا امن و خوشحالی کے لیے برادر ملک کے ساتھ دوطرفہ تعاون مزید بڑھانے کے لیے تیار ہے۔
امریکہ نے شام کی معیشت اور حکومت پر عائد وسیع پابندیوں میں بڑی حد تک نرمی اور خاتمے کا فیصلہ کیا ہے، جس سے شام کے لیے عالمی مالیاتی نظام، تجارت اور تعمیر نو کے مواقع بہتر ہونے کی توقع ہے۔ پاکستان نے اس پیش رفت کو شامی عوام اور معیشت کے لیے مثبت قدم قرار دیا ہے۔
دیکھیے: شامی وزیرِ خارجہ کی پاکستان آمد