یکم جنوری 2026 سے پٹرول میں بڑا ریلیف ملنے کا امکان ہے۔ اطلاعات کے مطابق پاکستان نے عالمی منڈی میں خام تیل کی قیمتوں میں قلت کے باعث آئندہ 15 روز کے لیے پٹرولیم مصنوعات کی قیمتوں میں بڑی کمی کا منصوبہ تیار کر لیا ہے۔
ذرائع کا کہنا ہے کہ پٹرول کی قیمت میں 10.60 روپے فی لیٹر تک کمی متوقع ہے، جبکہ ہائی اسپیڈ ڈیزل کی قیمت میں 8.59 روپے فی لیٹر تک کمی کی امید ہے۔
اسی طرح مٹی کا تیل 8.92 روپے فی لیٹر سستا ہونے کا امکان ہے۔ جبکہ لائٹ ڈیزل آئل کی قیمت میں 6.62 روپے فی لیٹر کمی کا امکان ہے۔ اگر اس تجویز کو منظور کرلیا گیا تو پیٹرول کی قیمت موجودہ 263.45 روپے سے کم ہو کر تقریباً 252.85 روپے فی لیٹر ہو جائے گی جبکہ ہائی اسپیڈ ڈیزل کی قیمت 265.65 روپے سے کم ہوکر 257.06 روپے فی لیٹر تک آ جائے گی۔ مٹی کے تیل کی قیمت موجودہ 180.54 روپے سے 171.62 روپے پر آنے کی توقع ہے۔