صدر مملکت آصف علی زرداری ہفتہ کو اپنے عراقی ہم منصب عبداللطیف رشید کی دعوت پر عراق کے پانچ روزہ سرکاری دورے پر روانہ ہوں گے۔ تفصیلات کے مطابق اس دورے کے دوران صدر مملکت عراق میں موجود اہم مقدس مقامات کی زیارت بھی کریں گے، جن میں کربلا سمیت دیگر مذہبی مقامات شامل ہیں۔ یہ زیارتیں دونوں ممالک کے درمیان مذہبی اور ثقافتی تعلقات کو فروغ دینے کے لیے اہم سمجھی جا رہی ہیں۔
صدر کے ہمراہ چیئرمین پاکستان پیپلز پارٹی بلاول بھٹو زرداری اور آصفہ بھٹو زرداری بھی اس دورے میں شریک ہوں گے۔دورے کے دوران دونوں ممالک کے رہنماؤں کے درمیان سیاسی، اقتصادی اور ثقافتی تعلقات کے فروغ کے لیے اہم مذاکرات بھی متوقع ہیں۔ پاکستانی ذرائع کا کہنا ہے کہ اس دورے کا مقصد نہ صرف دوطرفہ تعلقات کو مستحکم کرنا بلکہ مذہبی اور ثقافتی روابط کو بھی مضبوط کرنا ہے۔
دیکھیں: معیشت ڈنڈے کے زور پر نہیں بلکہ مثبت پالیسیوں کے ذریعے مضبوط ہو رہی ہے: وفاقی وزیرِ خزانہ