لاہور: ایچ بی ایل پاکستان سپر لیگ (پی ایس ایل) 11 میں پشاور زلمی اور اسلام آباد یونائیٹڈ کے درمیان کھیلا جانے والا میچ بارش کے باعث منسوخ کر دیا گیا۔
لاہور کے قذافی اسٹیڈیم میں شیڈول اس میچ سے قبل موسم خراب ہو گیا، جہاں تیز آندھی اور مسلسل بارش کے باعث گراؤنڈ میں پانی بھر گیا اور کھیل کا آغاز ممکن نہ ہو سکا۔
رپورٹس کے مطابق خراب موسم کے باعث پہلے ٹاس تاخیر کا شکار ہوا، تاہم بارش نہ رکنے اور میدان کھیل کے قابل نہ رہنے پر امپائرز نے کٹ آف ٹائم گزرنے کے بعد میچ منسوخ کرنے کا فیصلہ کیا۔
میچ منسوخ ہونے کے باعث دونوں ٹیموں کو ایک، ایک پوائنٹ دے دیا گیا، جس کا اثر پوائنٹس ٹیبل پر بھی پڑ سکتا ہے۔
دیکھئیے:پی ایس ایل 11: بال ٹیمپرنگ کیس میں فخر زمان کو لیول تھری جرم پر چارج کر دیا گیا