کوئٹہ: وزیراعلیٰ بلوچستان میر سرفراز بگٹی نے کہا ہے کہ پاکستان تاقیامت ہے اور رہے گا، کسی کا باپ بھی پاکستان کو نہیں توڑ سکتا۔
جشنِ آزادی کے موقع پر پولو گراؤنڈ میں منعقدہ پروقار تقریب سے خطاب کرتے ہوئے وزیراعلیٰ بلوچستان نے کہا کہ بلوچستان میں تمام فورسز امن کے قیام کے لیے قربانیاں دے رہی ہیں۔
سرفراز بگٹی نے مزید کہا کہ بلوچستان کے عوام لواحقین کے غم میں برابر کے شریک ہیں۔ انہوں نے کہا کہ کچھ عناصر مختلف پروپیگنڈے کے ذریعے صوبے کے نوجوانوں کو بہکانے کی کوشش کر رہے ہیں، تاہم بلوچستان کے نوجوان اب ان کی ہر چال کو بخوبی سمجھ چکے ہیں۔
وزیراعلیٰ بلوچستان کا یہ بیان یومِ آزادی کی مرکزی صوبائی تقریب کے دوران سامنے آیا جہاں سرکاری و عسکری حکام کے علاوہ عوام کی بڑی تعداد نے شرکت کی۔
دیکھیے: حسینہ واجد کا بیٹے کو آگے لانے کا نیا ڈرامہ: پاکستان مخالف بیانیہ ناکام