سرگودھا میں اسکول ٹیچر کے خلاف کمسن طلبہ سے جنسی زیادتی کے کیس میں اہم پیش رفت ہوئی ہے۔ پولیس کے مطابق دو بچوں کی ابتدائی میڈیکل رپورٹس میں جنسی زیادتی کی تصدیق ہوئی ہے۔
تاہم، کیس سے متعلق حتمی میڈیکل رپورٹس اور ڈی این اے ٹیسٹ کے نتائج آنا ابھی باقی ہیں۔
پولیس کے مطابق گرفتار اسکول ٹیچر اور دو مبینہ سہولت کاروں سے برآمد ہونے والے لیپ ٹاپ اور موبائل فون تحقیقات کے لیے بھیج دیے گئے ہیں۔ ان آلات سے حاصل ہونے والے شواہد تحقیقات میں اہم ثابت ہو سکتے ہیں۔
پولیس کے مطابق واقعے کا مقدمہ چھ روز قبل اسکول ٹیچر اور دو مبینہ سہولت کاروں کے خلاف درج کیا گیا تھا۔
مقدمے میں نامزد مرکزی ملزم سمیت تین افراد اس وقت سی سی ڈی کی حراست میں ہیں۔ کیس کی مزید تفتیش جاری ہے۔
