سعودی قیادت میں قائم عسکری اتحاد نے دعویٰ کیا ہے کہ اس کی دفاعی فورسز نے مدینہ منورہ کے علاقے کو نشانہ بنانے والے ایک کروز میزائل کو فضا میں ہی تباہ کر دیا ہے۔
عرب اتحاد کے ترجمان ایئر مارشل ترکی المالکی کے مطابق دفاعی نظام نے دفاعی کارروائی کرتے ہوئے میزائل کو ہدف تک پہنچنے سے پہلے ہی انٹرسیپٹ کر کے ناکارہ بنا دیا۔
سرکاری بیان میں فی الحال اس بات کی وضاحت نہیں کی گئی کہ یہ میزائل کس مقام سے داغا گیا تھا اور اس کا بنیادی ہدف کیا تھا۔
ابھی تک اس واقعے میں کسی قسم کے جانی یا مالی نقصان سے متعلق معلومات فراہم نہیں کی گئی ہیں۔
سعودی حکام کی جانب سے خطے میں دفاعی اقدامات کو مزید سخت کر دیا گیا ہے اور واقعے کی مزید تحقیقات جاری ہیں۔
