کالعدم تحریکِ طالبان پاکستان نے اپنے ایک تربیتی کیمپ سے نئی تصاویر جاری کی ہیں۔ ان تصاویر میں جنگجوؤں کو جدید امریکی ہتھیاروں کے ساتھ دکھایا گیا ہے۔
آماج نیوز انگلش کی رپورٹ کے مطابق یہ فوٹو البم تنظیم کی جانب سے جاری کیا گیا ہے۔ رپورٹ میں دعویٰ کیا گیا ہے کہ یہ تصاویر تنظیم کے الفاروق نامی تربیتی کیمپ کی ہیں۔
ان تصاویر میں ٹی ٹی پی کے جنگجو امریکی ساختہ ہتھیاروں کے ساتھ تربیت حاصل کرتے دکھائی در رہے ہیں۔
واضح رہے کہ افغانستان سے امریکی افواج کے انخلا کے بعد وہاں بڑے پیمانے پر جدید امریکی عسکری سازوسامان رہ گیا تھا۔ ماہرین مسلسل یہ خدشہ ظاہر کرتے رہے ہیں کہ یہ اسلحہ خطے میں سرگرم شدت پسند تنظیموں کے ہاتھ لگ چکا ہے۔
دیکھیے: افغان طالبان پاکستان دشمن گروہوں کی پشت پناہی کر رہے ہیں: جنرل سمیع سادات