امریکی سفارت خانے کی چارجر ڈی افیئرز نیتالی اے بیکر نے وفاقی وزیر مملکت برائے تعلیم وجیہہ قمر کے ہمراہ یونائیٹڈ اسٹیٹس ایجوکیشنل فاؤنڈیشن پاکستان کی نئی عمارت کا افتتاح کیا۔ مذکورہ اقدام دونوں ممالک کے درمیان تعلیمی لحاظ سے بڑی اہمیت کی نگاہ سے دیکھے جارہے ہیں۔
اسلام آباد میں تعمیر کردہ یونائیٹڈ اسٹیٹس ایجوکیشنل فاؤنڈیشن پاکستان کی عمارت امریکہ اور پاکستان کے تعلیمی تبادلے کے مستقبل پر مرکوز ایک نیا باب ہے، جو تعلیم کے فروغ کو مستقل ترجیح دیتی ہے۔ فلبرائٹ پروگرام کے 75 برس کے سفر کے اس سنگ میل سے ظاہر ہوتا ہے کہ دونوں ممالک کے تعلقات سفارتی معاملات سے آگے بڑھ کر نسلوں کے علم و آگہی پر استوار ہیں۔
تفصیلات کے مطابق تعمیر کردہ پانچ منزلہ عمارت جو 9,755 مربع میٹر پر پھیلی ہوئی ہے جو نوجوانوں کی ترقی اور مستقبل کے لیے مرکزی حیثیت رکھتی ہے۔ جس میں ایجوکیشن یو ایس اے مشاورتی خدمات، تربیتی ہالز اور عوامی پروگرامز کو یکجا کر دیا گیا ہے تاکہ دونوں ممالک کی شراکت داری عملی نتائج پیدا کر سکے۔
اطلاعات کے مطابق مذکورہ پروگرام میں اب تک 9,000 سے زائد پاکستانی اور تقریباً 1,000 امریکی حصہ لے چکے ہیں، جو خطے میں عوامی رابطے اور تعلیم کے فروغ کے لیے بڑے تربیتی مراکز میں سے ایک ہے۔ ماہرین کے مطابق مذکورہ منصوبہ پاک امریکہ تعلقات کو سلامتی و تجارتی دائرے سے ہٹ کر ہنر اور علم و آگہی کے پیش نطر قائم کیا گیا ہے۔
نیتالی اے بیکر کے مطابق تعمیر کردہ عمارت محض ایک ڈھانچہ نہیں ہے بلکہ پاکستان کی آئندہ نسل کو عالمی معیارات کے مطابق باصلاحیت بنانے کا پلیٹ فارم ہے۔ جیسے جیسے امریکہ اپنی 250ویں سالگرہ کی طرف بڑھ رہا ہے تو اس اقدام کی بنیاد پر پاکستان کو عالمی تعلیم و تحقیق کے دائرے میں ایک مستقل شراکت دار کے طور پر اہم مقام دلائے گی۔
یونائیٹڈ اسٹیٹس ایجوکیشنل فاؤنڈیشن پاکستان کی اس مذکورہ اقدام سے واضح ہوتا ہے کہ پاک امریکہ تعلقات اب افراد یا سیاسی ادوار سے بالاتر ہو کر ادارہ جاتی اور تعلیم و تحقیق کی شکل اختیار کر چکے ہیں۔ حالیہ تعمیر کردہ عمارت دونوں ممالک کے درمیان تعلیم و ثقافت کے شعبے میں گہرے اور پائیدار تعاون کی علامت بن گئی ہے۔
دیکھیں: جنگ نہیں، مذاکرات ہی پاک افغان مسئلے کا مستقل حل ہے؛ انوار الحق کاکڑ