صدر پاکستان آصف علی زرداری اپنے چار روزہ سرکاری دورے پر آج متحدہ عرب امارات کے دارالحکومت ابوظہبی پہنچ گئے۔ صدر مملکت کا دورہ 29 جنوری تک جاری رہے گا۔ تفصیلات کے مطابق ابوظہبی کے زاید انٹرنیشنل ایئرپورٹ پر پریذیڈنشل فلائٹ ٹرمنل پر متحدہ عرب امارات کے وزیر انصاف عبداللہ بن سلطان بن عواد النعیمی نے صدر زرداری اور ان کے وفد کا گرمجوشی سے استقبال کیا۔
صدر زرداری کے ہمراہ وفد میں آصفہ بھٹو زرداری اور وفاقی وزیر داخلہ محسن نقوی بھی شامل ہیں۔ اور ساتھ ہی پاکستان کے سفیر متحدہ عرب امارات شفقت علی خان بھی موجود ہیں۔
دورے کے اہداف
صدر زرداری کے اس دورے کے دوران دونوں ممالک کی قیادت کے مابین ملاقاتیں ہوں گی، جس میں پاکستان اور متحدہ عرب امارات کے دوطرفہ تعلقات کے تمام پہلوؤں کا جامع جائزہ لیا جائے گا۔
اہم شعبہ جات پر گفتگو
دونوں طرف سے تجارت، اقتصادی شراکت داری، دفاعی تعاون، سلامتی کے امور اور عوامی روابط کے فروغ سمیت اہم معاملات پر بات چیت ہوگی۔ یہ دورہ دونوں ممالک کے درمیان موجودہ تعاون کو مزید مضبوط بنانے اور نئی راہیں کھولنے کے مواقع فراہم کرے گا۔
دیکھیں: ایران ۔ ترکی سرحد پر سانحہ: برفباری میں 45 افغان مہاجرین ہلاک