انقرہ ترکی | 25 جون 2025 افغانستان-ترکی تعلقات نئےسفیر کی تعیناتی
ایک اہم سفارتی پیشرفت میں افغانستان کے قائم مقام وزیر خارجہ ملا امیر خان متقی نے بدھ کے روز شیخ ثانی اللہ فرہمند کو ترکی میں افغانستان کے نئے سفیر کو سرکاری طور پر متعارف کرایا۔ تقرری کی تقریب انقرہ میں افغان سفارت خانے میں منعقد ہوئی۔ جس میں افغان برادری کے مرکزی رہنماء،علماء اور سرکاری وفد کے اراکین نے شرکت کی۔
یہ اقدام صرف افغانستان-ترکی تعلقات کو مضبوط نہیں بناتا بلکہ افغان عبوری حکومت کے خطے اور خطے سے باہر اپنے سفارتی روابط کے بڑھانے کے عزم کو بھی ظاہر کرتا ہے۔
سفارتی موجودگی
تقریب کے دوران وزیر خارجہ ملّا متقی نے خطے کے اہم شراکت داروں کے ساتھ سفارتی تعلقات کو مزیدبڑھانے کی اہمیت پر متوجہ کیا۔ انہوں نے کہا کہ ترکی میں افغان مشن کو سفارتی سطح پر نمایاں کرنا دونوں ممالک کے درمیان باہمی اعتماد اور بڑھتےہوئے تعاون کی علامت ہے۔وزیرِخارجہ امیر خان متقی کے مطابق
مذکورہ اقدامات اس بات کی عکاسی کرتے ہیں کہ افغانستان بین الاقوامی سفارت کاری میں اپنا بھرپور کردار ادا کررہا ہے اور دوست ممالک کے ساتھ تزویراتی تعلقات کو ترجیح دے رہا ہے۔
دیگر ممالک
ترکی کے علاوہ افغان عبوری حکومت نے حال ہی میں دیگر کئی ممالک میں اپنے سفارتی نمائندوں کاتقررکیاہے۔ ان میں چین، ناروے،روس، پاکستان، قطر اور ترکمانستان شامل ہیں۔یادرہےناروےمیں سفیر کی تعیناتی کےدوران ناروےکوسخت تنقیدکاسامنا کرنا پڑاتھا۔ یہ اقدامات اس بات مو ظاہر کرتےہیں کہ کابل بین الاقوامی سطح پر اپنی قانونی حیثیت کو مستحکم کرنے اور ہمسایہ ممالک کے ساتھ تعمیری و برابری سطح کے تعلقات کو برقرار رکھنے کی کوشش کر رہا ہے۔
ان اہم دارالخلافہ میں اپنی موجودگی کو یقینی بنا کر افغانستان تنازعات کے بعد کے حالات میں سیاسی اور معاشی تعاون کو بہتر کرنے کی کوشش کر رہا ہے، جو افغانستان کو نئے سفارتی مواقع فراہم کرسکتاہے۔
منعقدہ تقریب
انقرہ میں منعقدہ تقریب محض ایک سفارتی رسم سے نہیں تھی۔ بلکہ اس تقریب نے بین الاقوامی برادری کو ایک واضح پیغام دیا کہ افغانستان اپنے خارجہ تعلقات کو بہتری پکی طرف لانے کی کوشش کر رہا ہے