اطالوی فیشن کے عظیم لیجنڈ جارجیو ارمانی91برس کی عمر میں انتقال کر گئے ۔ کمپنی کے مطابق وہ اپنے عزیزوں کے درمیان دنیا سے رخصت ہوئے۔
ارمانی نے 1975میں میلان میں اپنا فیشن ہاؤس قائم کیا اور تیزی سے عالمی شہرت حاصل کی۔ ریڈ کارپٹ فیشن کو نیا رخ دیا اور بعد میں ایمپوریو ارمانی اور لگژری ہوٹلوں کے ذریعے اپنے کاروبار کو وسعت دی۔ وہ اپنی وفات تک کام کرتے رہے اور آخری دنوں میں بھی فعال رہے۔
ان کی آخری رسومات نجی ہوں گی لیکن عوامی تعزیتی تقریب میلان میں ہفتے اور اتوار کو منعقد ہوگی۔
فیشن کی دنیا میں انقلاب برپا کرنے والے آرمانی، جو میلان کے ریڈی ٹو ویئر فیشن کے حوالے سے معروف تھے اور انھوں نے ان اسٹرکچرڈ فیشن ملبوسات کو ایک نئی طرز دی۔
وہ اس سال جون میں ہونے والے فیشن شوز میں بھی اپنی نامعلوم بیماری کی وجہ سے شرکت نہ کر سکے تھے جبکہ وہ ان دنوں اپنے فیشن ہاؤس کے 50 سال مکمل ہونے پر میلان فیش ویک میں شرکت کی منصوبہ بندی کر رہے تھے۔