تفصیلات کے مطابق قبیلہ برقمبرخیل اور کالعدم تحریک طالبان پاکستان کے مابین جاری مذاکرات کا دوسرا مرحلہ کامیابی سے مکمل ہوگیا۔ ذرائع کے مطابق کالعدم تنظیم نے قبیلے کے تمام پانچ مطالبات تسلیم کر لیے، جس کے بعد علاقے میں پائیدار امن کی امید پیدا ہوگئی ہے۔
یہ مذاکرات وادی تیراہ کے علاقے برباغ میں قومی مشر حاجی ظاہر شاہ آفریدی کی قیادت میں ہونے والے جرگے میں مکمل ہوئے۔ اس جرگے میں قبیلے کے معزز مشران، علمائے کرام، طلباء، مدرسہ اور اسکول کے طلباء سمیت بڑی تعداد میں عام عوام نے شرکت کی۔
ذرائع کے مطابق مذاکرات کا پہلا مرحلہ 28 جولائی کو ہوا تھا، جس میں قبیلہ برقمبرخیل نے پانچ نکاتی مطالبات کالعدم تحریک طالبان پاکستان کے سامنے رکھے تھے۔ طالبان نے اس وقت افغانستان میں موجود اپنی مرکزی قیادت سے مشاورت کے لیے مہلت مانگی تھی۔
قبیلہ برقمبرخیل کے 5 مطالبات جو تسلیم کیے گئے:
- امن کا تحفظ: عوامی مقامات، رہائشی علاقوں، گھروں اور حجروں سے فورسز پر کسی قسم کی فائرنگ نہیں کی جائے گی۔ خلاف ورزی کی صورت میں متعلقہ اہلکار کے خلاف کارروائی ہوگی۔
- زبردستی چندہ یا عشر کی ممانعت: کوئی بھی اہلکار یا رکن کسی فرد سے زبردستی عشر، زکوٰۃ، چندہ یا بھتہ وصول نہیں کرے گا۔ خلاف ورزی کی صورت میں سخت کارروائی کی جائے گی۔
- مقامی امور میں عدم مداخلت: تنظیم کا کوئی بھی رکن یا عہدیدار عوامی، ذاتی یا عوامی جھگڑوں اور جرگوں میں مداخلت یا طرف داری نہیں کرے گا۔
- شرپسند عناصر کے خلاف کارروائی: قوم کے لیے شرمندگی کا باعث بننے والے عناصر کے خلاف قومی شوریٰ کی معاونت سے سخت اس شخص کیخلاف مشترکہ اقدامات کیے جائیں گے۔
- قتل، ٹارچر اور اغوا کی تحقیقات: خیبر میں تحریک طالبان کے ہاتھوں قتل، تشدد یا اغوا کا شکار بننے والے افراد کی فہرست قبیلہ برقمبرخیل کی شوریٰ فراہم کرے گی، اور اگر متاثرین بے گناہ ثابت ہوئے تو ملوث اہلکاروں کے خلاف شریعت کے مطابق فیصلہ کیا جائے گا۔
قومی مشر حاجی ظاہر شاہ آفریدی نے اس موقع پر قومی جرگہ سے خطاب کرتے ہوئے کہا کہ “یہ اللہ کا خاص فضل ہے کہ ہم ایک اہم مقصد میں کامیاب ہوئے۔ اس کامیابی کا سہرا پوری قوم کے اتفاق و اتحاد کو جاتا ہے۔ ہم سب کو شکرانے کے نوافل ادا کرنے چاہئیں کیونکہ یہ صرف ایک فرد یا جرگے کی نہیں بلکہ پوری قوم کی جیت ہے
دیکھیں: افغان حکومت کی دہشتگرد گروہوں کو مبینہ حمایت علاقائی امن کیلئے خطرہ بن گئی