وزیر اعظم پاکستان شہباز شریف آج بدھ کے روز دو روزہ دورے پر سعودی عرب پہنچیں ہونگے جہاں ان کی ملاقات سعودی ولی عہد محمد بن سلمان سے ہوگی جس میں اسرئیلی جارحیت پر تفصیلی مشاورت ہوگی۔
خیال رہے کہ شہباز شریف کی محمد بن سلمان سے دو روز قبل اسلامی سربراہان اجلاس دوحہ میں بھی ملاقات ہوٗی تھی۔
تفصیلات کے مطابق وزیر اعظم پاکستان آج سعودی عرب پہنچیں گے جہاں سعودی ولی عہد محمد بن سلمان سے تفصیلی ملاقات کریں گے۔
ذراٗع کے مطابق دورے کے دوسرے مرحلے میں وزیر اعظم 21 سے 27 ستمبر تک امریکا کا دورہ کریں گے جہاں نیو یارک میں اقوام متحدہ کے اجلاس میں شرکت کریں گے۔
جہاں شہباز شریف اقوام متحدہ کے 80ویں اجلاس سے خطاب کریں گے۔ واضح رہے کہ نریندر مودی کا بھی اسی دن خطاب متوقع ہے۔
امریکا کے دورے کے دوران وزیراعظم پاکستان کی امریکی صدر ڈونلڈ ٹرمپ سے ملاقات کا امکان ظاہر کیا جارہا ہے۔
دیکھیں: اسحاق ڈار کی قطر میں ایران، ترکیہ، ملیشیا اور مصر کے وزرائے خارجہ سے ملاقات