بھارت افغانستان کا بہترین دوست اور صف اول کا ساتھی ہے؛ امیر خان متقی

انہوں نے مزید کہا کہ ’’امریکی قبضے کے دوران اتار چڑھاؤ کے باوجود طالبان نے کبھی بھارت کے خلاف کوئی بیان نہیں دیا اور ہمیشہ بہتر تعلقات کے خواہاں رہے۔‘‘
بھارت افغانستان کا بہترین دوست اور صف اول کا ساتھی ہے؛ امیر خان متقی

انہوں نے مزید یقین دہانی کرائی کہ ’’ہم اپنی سرزمین کسی بھی ملک کے خلاف استعمال ہونے کی اجازت نہیں دیں گے۔‘‘

October 10, 2025

اسلامی امارتِ افغانستان کے وزیرِ خارجہ مولوی امیر خان متقی بھارت کے دارالحکومت نئی دہلی پہنچ گئے، جہاں انہوں نے بھارتی وزیرِ خارجہ ڈاکٹر ایس جے شنکر سے اہم ملاقات کی۔ دونوں رہنماؤں کے درمیان دوطرفہ تعلقات، علاقائی تعاون اور پانی کے انتظام سے متعلق امور پر تبادلۂ خیال ہوا۔

ڈاکٹر جے شنکر نے ملاقات کے دوران کہا کہ بھارت اور افغانستان کے درمیان پانی کے انتظام اور آبپاشی کے حوالے سے تعاون کی ایک ’’ثمر آور تاریخ‘‘ موجود ہے۔ انہوں نے کہا، ’’ہم افغانستان کی جانب سے اس تعاون کو مزید آگے بڑھانے میں دلچسپی کا خیر مقدم کرتے ہیں اور افغانستان کے آبی وسائل کے پائیدار انتظام میں شراکت کے لیے تیار ہیں۔‘‘

مولوی امیر خان متقی نے اپنے بھارتی ہم منصب سے ملاقات کے دوران کہا، ’’یہ ضروری ہے کہ ہم اپنی سمجھ بوجھ کو استعمال کرتے ہوئے اپنی صلاحیتوں اور مواقع سے فائدہ اٹھائیں۔ بھارت ہمیشہ ہمارے عوام کے ساتھ کھڑا رہا ہے اور مختلف شعبوں میں مدد فراہم کی ہے۔‘‘ انہوں نے مزید کہا کہ ’’گزشتہ چار برسوں میں، خصوصاً زلزلوں کے دوران، بھارت پہلا ملک تھا جس نے امداد فراہم کی۔ افغانستان بھارت کو اپنا قریبی دوست سمجھتا ہے اور ہم باہمی احترام اور عوامی روابط پر مبنی تعلقات چاہتے ہیں۔‘‘

متقی نے نئی دہلی میں اپنے خطاب کے دوران یہ بھی کہا کہ ان کا یہ دورہ ’’دونوں ممالک کے تعلقات میں ایک نئے باب کا آغاز‘‘ ہے۔ ان کے مطابق، ’’بات چیت اور مکالمے کے ذریعے ہم باہمی سمجھ میں اضافہ کر سکتے ہیں۔‘‘

انہوں نے مزید کہا کہ ’’ہم اپنے تعلقات کو مزید مضبوط بنانے کے لیے ایک مشاورتی نظام قائم کرنے کے لیے تیار ہیں تاکہ دونوں ممالک کے درمیان بہتر مفاہمت پیدا ہو۔‘‘

متقی نے کہا کہ ’’امریکی قبضے کے دوران اتار چڑھاؤ کے باوجود طالبان نے کبھی بھارت کے خلاف کوئی بیان نہیں دیا اور ہمیشہ بہتر تعلقات کے خواہاں رہے۔‘‘

مولوی امیر خان متقی کا کہنا تھا، ’’میں دہلی آ کر خوش ہوں، اور میرا ماننا ہے کہ یہ دورہ دونوں ممالک کے درمیان باہمی سمجھ بوجھ کو بڑھائے گا۔ بھارت اور افغانستان کو اپنے تعلقات اور روابط کو وسعت دینی چاہیے۔‘‘

متقی نے یقین دہانی کرائی کہ ہم اپنی سرزمین کسی بھی ملک کے خلاف استعمال ہونے کی اجازت نہیں دیں گے۔

دوسری جانب ڈاکٹر جے شنکر نے ملاقات کے بعد کہا، ’’مجھے یہ اعلان کرتے ہوئے خوشی ہے کہ بھارت کے کابل میں قائم ٹیکنیکل مشن کو اب سفارتخانے کا درجہ دیا جا رہا ہے۔‘‘ اس اعلان کے ساتھ ہی بھارت ان چند ممالک میں شامل ہو گیا ہے جنہوں نے طالبان کے ساتھ براہِ راست سفارتی سطح پر تعلقات کو تسلیم کیا ہے۔


بھارتی وزیرِ خارجہ ڈاکٹر ایس جے شنکر نے اسلامی امارتِ افغانستان کے وزیرِ خارجہ امیر خان متقی کے ساتھ مشترکہ پریس کانفرنس میں کہا کہ افغانستان اور بھارت ترقی اور خوشحالی کے مشترکہ اہداف پر قائم ہیں۔

جے شنکر نے مزید کہا کہ کابل اور نئی دہلی کو چاہیے کہ وہ دہشت گردی کی تمام اقسام کے خلاف اپنے اقدامات میں ہم آہنگی پیدا کریں اور انسداد دہشت گردی کیلئے مشترکہ حکمت عملی اپنائیں۔

ذرائع کے مطابق، افغان وزیرِ خارجہ اپنے چار روزہ دورے کے دوران بھارتی قومی سلامتی کے مشیر اجیت دوول سے بھی ملاقات کریں گے اور بھارت کے چند تاریخی اور تعلیمی مراکز کا دورہ کریں گے۔

دیکھیں: افغان وزیر خارجہ امیر خان متقی چھ روزہ دورے بعد بھارت پہنچ گئے

متعلقہ مضامین

مولانا طیب قریشی نے دورۂ بونیر کے دوران پیغامِ امن کمیٹی کا نیٹ ورک خیبرپختونخوا کے تمام اضلاع اور تحصیلوں تک پھیلانے کا اعلان کیا ہے۔

November 22, 2026

محسن نقوی نے ایک وزیر کی مسلسل تنقید پر ردعمل دیتے ہوئے کہا ہے کہ جواب دیا تو وہ منہ چھپانے کے قابل نہیں رہے گا۔

November 22, 2026

اقوام متحدہ میں پاکستان کے مستقل مندوب سید حیدر شاہ نے دہشتگردی کے خلاف قربانیوں، افغانستان سے حملوں اور عالمی پابندیوں کے نظام کو مؤثر بنانے پر زور دیا۔

November 22, 2026

ٹرمپ نے ایران کے ساتھ ایسا مستقل جوہری معاہدہ کرنے کی خواہش ظاہر کی ہے جسے مستقبل کا کوئی امریکی صدر تبدیل نہ کر سکے۔

November 22, 2026

رائے دیں

Leave a Reply

Your email address will not be published. Required fields are marked *