انڈونیشیا کے صدر پرابوو سوبیانتو دو روزہ سرکاری دورے پر اسلام آباد پہنچ گئے۔ جہاں انکا استقبال صدر آصف علی زرداری اور وزیرِاعظم شہباز شریف نے کیا۔ استقبال کے موقع پر انڈونیشیا کے صدر کو 21 توپوں کی سلامی دی گئی اور بچوں نے پھول پیش کیے۔
اعلیٰ سطحی ملاقاتیں
دفتر خارجہ کے مطابق صدر پرابوو سوبیانتو اپنے دو روزہ دورے کے دوران وزیرِاعظم شہباز شریف، صدرِ مملکت آصف علی زرداری اور چیف آف ڈیفنس فورسز فیلڈ مارشل عاصم منیر سے اہم ملاقات کریں گے۔ جس میں دونوں ممالک کے مابین تجارت، سرمایہ کاری، دفاع تعاون، صحت، آئی ٹی، تعلیم اور ثقافت سمیت متعدد شعبوں میں پیش رفت متوقع ہے۔
مفاہمتی یادداشتوں پر دستخط
صدر پرابوو کے دورے کے موقع پر دونوں ممالک کے درمیان متعدد مفاہمتی یادداشتوں پر دستخط متوقع ہیں۔ وزیرِاعظم شہباز شریف کے ساتھ ملاقات میں تعاون کے نئے شعبوں کی نشاندہی کی جائے گی، جن میں تجارت، سرمایہ کاری، دفاع، صحت، آئی ٹی، تعلیم اور کلائمیٹ چینج سے متعلق اقدامات شامل ہیں۔
دیکھیں: انڈونیشیا کے صدر 8 دسمبر کو 2 روزہ دورے دورے پر اسلام آباد پہنچیں گے