حکومت نے یوٹیوبر اور سابق مفرور فوجی افسر عادل فاروق راجہ پر انسداد دہشتگردی ایکٹ کے تحت پابندی عائد کر دی۔یو ٹیوبرعادل فاروق راجہ کا نام فورتھ شیڈول میں شامل کرلیا گیا، وزارت داخلہ نے باقاعدہ طور پر نوٹیفکیشن جاری کردیا، وفاقی کابینہ نے عادل فاروق راجہ پر پابندی کی منظوری دے دی۔
وزارت داخلہ کے ترجمان کا اِس حوالے سے کہنا تھا کہ ریاست مخالف سرگرمیوں پر عادل فاروق راجہ پر پابندی عائد کی گئی، سوشل میڈیا کے ذریعے ریاست مخالف بیانیے پھیلانے پر کارروائی ہوئی، انسداد دہشتگردی ایکٹ کی شق 11ای ای کے تحت کارروائی عمل میں لائی گئی۔
نو ٹیفیکیشن میں کہا گیا ہے کہ وفاقی حکومت کے پاس قابل اعتماد وجوہ موجود ہیں جن کے مطابق عادل فاروق راجہ ولد فاروق راجہ ایسی سر گرمیوں میں ملوث ہیں جو پاکستان کی سلامتی ۔یکجہتی اور امن عامہ کیلئے سنگین خطرے کا باعث ہیں۔نوٹیفیکیشن میں کہا گیا ہے کہ عادل راجہ تواتر سے آن لائن پلیٹ فارم کا غلط استعمال کر رہے ہیں۔
وہ ممنوعہ دہشت گرد تنظیموں کی معاونت سے ریاست مخالف بیانیہ پراپیگنڈہ کو فروغ دے رہے ہیں اور سہولت کاری کر رہے ہیںجو پاکستان کے دفاع اور خود مختاری کیلئے نقصان دہ ہےلھذا انسداد دہشت گردی ایکٹ1997کے تحت وفاقی حکومت یہ ہدایت کرتی ہے کہ عادل فاروق راجہ کو شیڈول فور لسٹ میں شامل کیا جا ئے اوران پر پابندی لگا دی جا ئے۔حکومت نے عادل فاروق راجہ پر انسداد دہشت گردی ایکٹ کے تحت پابندی عائد کردی ہے۔
ذرائع کے مطابق وزارت داخلہ نے وفاقی کابینہ کوعادل فاروق راجہ پرپابندی کی سمری ارسال کی تھی جو کابینہ نے سرکولیشن کے ذریعے منظور کرلی ہے۔ عادل فاروق راجہ پرپابندی انسداد دہشت گردی ایکٹ1997 کی دفعہ11 ڈبل ای کے تحت عائد کی گئی ہے۔ وفاقی کابینہ نے عملدرآمد رپورٹ سات دن کے اندر کابینہ ڈویژن کو بھیجنے کی ہدایت کی ہے۔
دیکھیں: افغانستان اب بھی عالمی دہشت گرد نیٹ ورکس کا اہم مرکز ہے؛ واشنگٹن پوسٹ کا دعویٰ